'A FEDE

Quercia,
quant'anne tiene?
Comme sò belle
'sti rame ca spanne
int'all'aria,
me pareno vraccia
ca cercano 'o Sole.
E sti rradice?
Abbrancate ca terra
so'comme na mano
che astregne nu bbene
ca nun vo' cchiù lassà.
Quercia,
comme si vecchia!
Quann'ero criatura
e ghieve po' bosco
me facive paura
e turnavo currenno
chiammanno 'a mammà.
Mo' sì comme sta "Fede"
ca tengo int' 'o core
nisciuna tempesta
ma po' srarecà.
Si siente pe' rame
saglì chesta voce,
si vire int'alluocchie
na perla 'e spuntà,
pe' ll'ate si quercia,
pe' mme si na Croce,
te stongo 'a prià!

Quercia,
quanti anni hai?
come sono belli
questi rami che spandi
nell'aria,
mi sembrano braccia
che cercano il Sole.
E queste radici?
Abbrancate alla terra
son come una mano
che stringe un bene
che non vuol più lasciare.
Quercia,
come sei vecchia!
Quando ero un bambino
e andavo per il bosco
mi facevi paura
e tornavo correndo
chiamando la mamma.
Ora sei come questa "Fede"
che ho nel cuore
nessuna tempesta
me la può sradicare.
Se senti per i rami
salire questa voce,
se vedi negli occhi
una perla spuntare
per gli altri sei quercia,
per me sei una Croce,
ti sto pregando!